:

Выдача даведак для асоб, якія ўступаюць у шлюб

Пры афармленні ў консульскай службе даведак “сertificat de célibat” і “сertificat de coutume”, неабходных для заключэння шлюбу ў Францыі, заяўнік прадстаўляе (для атрымання адной даведкі):

1. Заяву (з указаннем адраса фактычнага пражывання і кантактнага тэлефона);

2. Пашпарт грамадзяніна Беларусі і яго копію (развароты з фатаграфіяй, з беларуска-рускім напісаннем прозвішча, уласнага імя, імя па бацьку, з адзнакай аб рэгістрацыі па месцы жыхарства (аб прапісцы) у Беларусі;

3. Дакумент, які пацвярджае законнасць пражывання ў Францыі, Манака, Партугаліі (напрыклад, віза, від на жыхарства, пашпарт) і яго копію;

4. Арыгінал(ы) даведкі (даведак) з органаў загс Беларусі аб адсутнасці запісу акта аб рэгістрацыі шлюбу (праверка павінна ажыццяўляцца па ўсіх месцах рэгістрацыі па месцы жыхарства (прапiскi), пачынаючы з 15 гадоў), а таксама даведкі з запісу акта аб заключэнні шлюба (калі шлюб скасаваны, у даведцы змешчаны звесткі аб заключэнні шлюба і яго скасаванні) — для атрымання “сertificat de сélibat”.

5. Пацвержданне аплаты (35 еўра).

Тэрмін дзеяння даведкі “сertificat de сélibat” вызначаецца тэрмінам дзеяння даведкі (або адной з даведак, якая выдадзена па апошняму месцу жыхарства) органаў загса Беларусі (1 год з дня выдачы). Даведкі са скончаным тэрмінам дзеяння консульскай службай не прымаюцца.

Пры адсутнасцi ў даведкі (даведак) з органаў загс ў Беларусі аб адсутнасці запісу акта аб рэгістрацыі шлюбу і (або) даведкі з запісу акта аб заключэнні шлюба консульская служба можа запатрабаваць іх на падставе Вашага зварота ва ўстаноўленым парадку.

Даведачна:

♦ “Certificat de célibat” — даведка, якая пацвярджае адсутнасць зарэгістраванага шлюбу ў Беларусі, што перашкаджае заключэнню (новага) шлюбу. Часам французскія ўлады таксама называюць такі дакумент “certifiat de non-remariage”, маючы на ўвазе, што грамадзін быў у шлюбе, які ўжо скасаваны.

♦ “Certificat de coutume” — даведка, змяшчае асноўныя палажэнні беларускага заканадаўства аб сям’і і шлюбе, якая фактычна пацвярджае магчымасць у адпаведнасці з беларускім заканадаўствам заключаць шлюбы грамадзянам Беларусі за мяжой (у Французскай Рэспубліцы), а таксама адсутнасць патрабавання аб публікацыі заяў аб намеры заключыць шлюб – “Publication des bans“, аб парадку змянення прозвішчаў у Беларусі у выніку заключэння шлюбу. У такім дакуменце пры неабходнасці могуць быць адлюстраваны і іншыя аспекты беларускага заканадаўства.

Даведкі афармляюцца на французскай ці беларускай (рускай) мове (просьба пазначыць мову выканання).

Даведкі могуць быць выдадзеныя па пошце. Спосабы аплаты і перасылка дакументаў.

Пры накіраванні дакументаў па пошце для “сertificat de célibat” накіроўваецца таксама арыгінал даведкі (даведак) з органаў загс.

Дыпмісіі Беларусі за мяжой

Усе дыпмісіі Сайт МЗС
Перайсці