Аб удзеле прадстаўніка Пасольства Беларусі у ”Сервантэсаўскіх чытаннях“
22.04.2017 г.21 красавіка 2017 года ў Доме-музее Сервантэса ў гарадке Эсківіас адбыліся юбілейныя X штогадовыя ”Сервантэсаўскія чытанні“, на якіх прадстаўнікі замежных дзяржаў чытаюць урыўкі са знакамітага твора Сервантэса ”Хітрамудры ідальга Дон Кіхот Ламанчскі“ на роднай мове.
У ”Сервантэсаўскіх чытаннях“ прыняў удзел Часовы павераны Рэспублікі Беларусь у Каралеўстве Іспанія Аляксей Панфёраў, які прачытаў урывак са славутага рамана на беларускай мове.
У мерапрыемстве прынялі ўдзел таксама паслы і дыпламаты з Алжыру, Балівіі, Нідерландаў, Палясціны, Гаіці, Парагвая, Сербіі, Эстоніі, Чылі, ЗША, Кубы, Паўднёвай Краэі, Конга, Ірландыі, Расіі, і Латвіі, а таксама прадстаўнікі іспанскай грамацкасці.
Удзел Беларусі ў ”Сервантэсаўскіх чытаннях“ ужо з’яўляецца добрай традыцыяй – у 2016 годзе ўрывак з ”Хітрамудрага ідальга Дон Кіхота Ламанчскага“, які ў 2002 годзе прызнаны лепшым раманам за ўсю гісторыю літаратуры, упершыню прачытаў на беларускай мове дырэктар Нацыянальнай бібліятэкі Беларусі Раман Матульскі.