Аб удзеле П.Латушкі ў мерапрыемствах з нагоды Нацыянальнага свята Манака
19.11.2018 г.
18–19 лістапада 2018 г. Пасол Беларусі ў Францыі і Манака па сумяшчальніцтве Павел Латушка прыняў удзел у мерапрыемствах, арганізаваных з нагоды Нацыянальнага свята Княства Манака.
У Манака адбыліся ўрачысты парад, імша ў Кафедральным саборы Манака, прыём ад імя Князя Манака Альбера II, шэраг іншых сустрэч, прысвечаных Нацыянальнаму святу Княства Манака.
У ходзе мерапрыемстваў П.Латушка правёў размову з Міністрам замежных спраў Княства Манака Жылем Танеллі, з якім адбылося абмеркаванне вынікаў развіцця адносінаў Беларусі з Манака ў 2018 годзе і планаў на 2019 год з акцэнтам на развіццё гандлёва-эканамічнага і інвестыцыйнага супрацоўніцтва. Дасягнута дамоўленасць аб арганізацыі візіту дзелавых колаў Манака ў Беларусь у 2019 годзе. Падчас гутаркі з Ж.Танеллі абмеркаваны падыходы бакоў да ўзаемнага прызначэння краінамі ганаровых консулаў.
У ходзе сустрэчы з прадстаўнікамі дзелавых колаў Манака абмеркаваны перспектывы рэалізацыі сумесных эканамічных праектаў і падтрымкі шэрагу праектаў у гуманітарнай сферы.
П.Латушка сумесна з пасламі замежных краін, акрэдытаванымі ў Францыі і Манака па сумяшчальніцтве, ганаровымі консуламі, акрэдытаванымі ў Манака, прыняў удзел у дадзеных мерапрыемствах у якасці першага Пасла Беларусі ў княстве Манака.
